ലഖ്നൗ: റീൽ ചിത്രീകരിക്കുന്നതിനിടെ കഴുത്തിൽ കയർ മുറുകി യുവതി മരിച്ചു. ഉത്തർപ്രദേശിൽ ബാന്ദ ജില്ലയിലാണ് സംഭവം.
27 വയസ്സുള്ള മോഹിനി വീട്ടിൽ വെച്ച് റീലിനുവേണ്ടി ഒരു വീഡിയോ ചിത്രീകരിക്കാൻ ശ്രമിക്കുന്നതിനിടെയാണ് സംഭവം നടന്നത്. തൂങ്ങിക്കിടക്കുന്ന ഒരു രംഗമാണ് മോഹിനി ചിത്രീകരിക്കാൻ ശ്രമിച്ചത്. കഴുത്തിൽ ഒരു കെട്ട് ഉണ്ടാക്കി മൊബൈൽ ഫോണിൽ ചിത്രീകരിക്കുന്നതിനായി ഒരു സ്റ്റൂളിൽ കയറി നിന്നു. വഴുതി വീണതാണോ അതോ ബാലൻസ് നഷ്ടപ്പെട്ടതാണോ എന്നത് വ്യക്തമല്ലെന്നും കഴുത്തിൽ മുറുകിയതോടെ നിമിഷങ്ങൾക്കകം മോഹിനി മരിച്ചതായും കുടുംബാംഗങ്ങൾ പറഞ്ഞു.
